-seeing.stars.and.beyond-

Ngayon na nakapagadjust na ako sa buhay kolehiya bila kong naisip na isang buwan na lang at matatapos na ang unang semester. Ang daming papers,reports etc. na  pinapagawa sa amin at ang pinakachallenge sa lahat ay ang exams (wala nanaman tulugan ito.) pero kaya iyan.:)
***
Naalala ko pa ang unang pagpasok ko sa PNU cyempre ang kilala ko pa lang yung oras na iyon ay si elmo( O elmo,O elmo kailan ba tayo magkakahiwalay O elmo.JOKE :)uyy.JOKE lang po talaga kasi di ko maimagine na di kita kasama). Biglang dumating sa buhay ko si Tin tapos sila Ira at Tere at ang pinakahuli ay si Gempearle. Natatawa ako kasi yung unang araw namin ay nakatambay lang kami sa osas kasi wala kaming classroom (di ko kasi maimagine that time na mangyayari sa akin iyon eh). Medyo kinakabahan ako lalu na kapag papasok kami sa aming classroom tapos sobrang seryoso pa ng mga guro namin - di man lang nagjojoke. Ewan ko lang sa mga kaklase ko pero alam niyo ba yung pakiramdam na mataas yung expectation sa iyo ng guro mo. .basta’t mahirap iexplain pero iyon talaga pakiramdam ko.

Yung unang 2 linggo di ko mapigilan ang sarili kong maikompara ang buhay ko sa high school at buhay ko ngayon bilang isang kolehiyala. May advantage at disadvantage ang pagpasok ko sa PNU at may isang bagay akong hinahanap hanap ngayon sa kolehiyala—MENTOR.

Siguro naiisip niyo na "Eto talaga si Louanne,maraming mentor kaya sa PNU o maging sa ibang unibersidad". Oo nga naman may punto kayo PERO

para sa akin ang isang mentor ay di lamang magaling sa pagtuturo ng academics,nahuhubog rin niya ang ibang aspeto ng kanyang mga estudante. Marunong rin siyang makisama sa kanyang estudante pati na rin sa cofaculty niya . Di siya naabuso ng kanyang mga estudante (ayaw ko kasi ng mga guro na sobrang BAET halatang pasaway na nga ng mga estudante niya wala pa siyang ginagawa). Malikhain rin siya at gagawin ang lahat para maintindihan ng kanyang estudante ang lesson at higit sa lahat isinasabuhay niya ang kanyang itinuturo.

Gusto kong maging guro at sa bawat guro na nakikilala ko may napupulot akong aral base sa kanilang buhay bilang isang guro.

Nahanap ko na nga ba ang mentor ko sa PNU?
*** 
Naalala ko rin yung unang punta ko sa Recto dahil nakabili yung isa naming kaklase ng libro na kailangan namin sa Values Education. Medyo nakakapagod pero masaya (kala nung tindera sa akin na naloloka na ako kasi ang pagkatanong ko sa kanya "miss,may buhay po ba kayo?").

Naalala ko rin yung unang punta namin sa SM Manila dahil mahaba ang aming break yung oras na iyon tapos nasa foodcourt lang kami at dineclare nga namin na ang FRIDAY ay sushi day dahil nga sa pagmamahal ko sa California Maki ng Tokyo 2x.

Naalala ko pa ang inis ko sa PE.Di ko talaga kasi maimagine na ako’y maggymnastics  pero ngayon challenge iyon para sa akin na magawa ko iyon.(Kung sa St. Paul nga pinagtiyagaan kong matuto ng swimming dahil required at nagawa kong makagraduate ito pa kaya.:) ). Tapos nakilala si Kuya Gelo at Ate Judy ng FIRM parang SRA sa St.Paul. 

Nakilala ko rin si Kuya Ethan at si Kuya Dennis (hinahangaan ko siya lalu na ang kanyang prinsipyo sa buhay. Para sa akin siya ay magiging isang ulirang guro.:) ).

Patagal ng patagal nakilala ko ang bawat kaklase ko sa section 1-20, iba’t iba sila ng ugali at di maiwasan na magkakaroon ng di pagkakasunduan pero nadadaan naman sa pakikipagusap. Maikokompara ko ang section 1-20 sa 3D ng Gokusen medyo pasaway pero kung magtitino okay naman ang kakalabasan. Bawat araw na kasama ko sila di mawawalan ng saya kahit na may problema. Kaya proud rin ako na miyembro ako ng section na ito. 

Naalala ko pa ang mga nakakatawang oral presentations sa English, nakakabasag ulo moments tuwing Values (dahil sa titser), kwentuhan at Speech Choir practice tuwing Filipino,Reporting na may kasamang nobelang kwento ng guro sa Phil. His, Nakakalihong lessons sa Math, Nakakaaliw na may kasamang kaba tuwing Biology, Lessons na may kasamang tawanan tuwing Economics at nakakapawis pero masayang moments sa P.E.

Lahat ng nabanggit ko mawawala na pagkatapos ng isang buwan.
Mamimiss ko rin kasi yung subjects ko ngayon lalu na ang mga kaklase ko kasi naeejoy ko na ang bawat pagpasok ko sa PNU.
Ibang subject nanaman ang haharapin ko pagdating ng second sem. at panibagong set ng titsers at kaklase na kikilalaning ko nanaman.

Kaya lulubusin ko na habang may isang buwan pa.

Fighto-Oh! 

Sa uulitin.